– Me skal ha eit informasjonsmøte, og dersom ikkje nokon av hopparane protesterar, så startar hoppinga opp igjen seinare i dag.
Det sa leiar i Stavanger baseklubb, Stein Edvardsen i 14.tida i dag. Då var det gått omlag ein time sidan ein basehoppar mista livet etter hopp frå Kjerag.
- Les også:
Klokka 17 i ettermiddag starta helikopterskyssinga av basehopparane opp på nytt.
Arrangementet går vidare
– Her er det basehopparar frå heile verda, så me kan ikkje stoppa helikopterskyssinga nå.
- Les også:
Det sa Kim Stian Møller, som er med i arrangørstaben i Lysebotn. Han seier at dødsfallet har lagt ein dempar på heilearrangementet.
– Men dødsfallet skuldast truleg menneskeleg svikt, seier Møller.
12. dødsfall i dag
Torsdag i denne veka skjedde basehopp nummer 50 000 frå Kjeragfjellet i Lysefjorden.
I løpet av dei mange åra sidan hoppinga starta opp på 1990-talet har 12 menneske mista livet.
Eit fallskjermdryss over Lysefjorden
Denne helga blir Heliboogie 2016 arrangert i Lysebotn og over 240 basehopparar frå mange land har meldt seg på.
- Les også:
I staden for å bruke omlag tre timar med taxi og til fots på kvar tur, har dei denne helga helikopterskyss.
Prisen er 600 kroner for kvar tur.