Mista livet etter hopp frå Kjerag

– Det var ein rutinert utanlandsk hoppar som fekk problem med fallskjermen, fortel Stein Edvardsen, som er leiar i Stavanger baseklubb.

Edvardsen fortel at hopparen fekk problem med utstyret i frittfalldelen av hoppet.

– Han flyg ein vengedrakt og drar i utløysarmekanismen til fallskjermen i vanleg høgde. Men skjermen foldar seg ikkje ut og han treff med hard kraft i bakken.

– Hopparen omkom momentant, seier Edvardsen.

Politiet fekk beskjed om ulukka rett før klokka 13, laurdag ettermiddag.

Rutinert hoppar

- Den omkomne er ein erfaren hoppar og ein vaksen mann. Det blir berre spekulasjonar å seie kva som har skjedd med utstyret hans, seier Edvardsen..

Det var godt vér og fine forhold for basehopping då ulukka skjedde.

• Les også: Hopper fra Kjerag for gang nr. 50.000

I etterkant blei skadestaden sikra og folk tok seg av dei som kjente den omkomne. Seinare i dag blir det også halde eit informasjonsmøte for hopparane i Lysebotn.

Denne helga blir Heliboogie 2016 arrangert i Lysebotn og over 240 basehopparar hadde meldt seg på..

- Resten av arrangementet er avlyst etter ulykken, sier operasjonsleder Kjetil Føyen i Sør-Vest politidistrikt til Stavanger Aftenblad.

• Les også: Hopper fra Kjerag for gang nr. 50.000

På torsdag blei basehopp nummer 50 000 passert i Kjerag. Denne helga er det også ekstra mange hopparar på staden, fordi det er skaffe løyve til helikopterfrakt opp til Kjeragplatået.

Vanlegvis tar det omlag tre timar å koma seg frå fjorden og opp til hoppstaden.

• Les også: Møtet med dødsveggen

– Det er klart dette gir ein veldig bismak til arrangementet me har.

– Me er prega av hendinga. Det er ikkje så mykje meir å seie, enn det, avsluttar Stein Edvardsen, leiar i Stavanger baseklubb.