I går vart ein 42 år gamal mann tatt i Arendal, og sikta for ranet. Dermed er totalt 12 personar sikta i saka.
Politiinspektør Bjørn Andersen ved Rogaland Politidistrikt seier at dei heile tida har rekna med at rundt 12 personar var med på ranet i Stavanger.
Sidan fire, av dei 12 som til no er sikta, ikkje har vore i Stavanger ransdagen, jaktar altså politiet ennå på fleire personar som har vore sentrale i ranet. Andersen ser ikkje bort ifrå at fleire kan bli sikta, men at dei har hatt meir perifere roller.
42-åringen skal onsdag ettermiddag møta advokaten sin, Erik Lea, på politihuset i Stavanger. Han blir framstilt for varetektsfengsling torsdag.