– Eg såg plutseleg noko som rørte seg, og så oppdaga eg fleire og fleire deso meir eg såg etter.
Rainer Kaehler var på tur på Refnes-stranda på Jæren, då han oppdaga eit spesielt funn.
Mange små, kvite makk-liknande dyr på rundt éin centimeter kravla rundt. Han trur «makkane» må ha dekt éin fjerdedel av stranda.
– Det var eit oppsiktsvekkande syn.
Uvanleg fenomen
«Makkane» er sannsynlegvis ein type pølseorm som lever i havet, ifølgje ein forskar i realfag.
Han meiner det er sjeldan at pølseormane blir samla i så store mengder på land.
– Eg har aldri sett noko liknande. Det er eit uvanleg fenomen, seier forskar Inge Christ.
Spylt opp av vind og bølgjer
På Refnes-stranda finn Christ store mengder tare på land. Det er i tareskogane utanfor stranda pølseormane normal lever.
– Beskyttelsen til ormane har blitt fjerna av ruskevêret.
Kraftige bølgjer og sterk vind er truleg grunnen til at den store mengda av pølseormar har enda opp på stranda.
– Det er eit samanfall av vindretning og varigheit over tid. Når bølgjene er høge og dyra lette, blir dei skubba opp på land.