To palestinarar drepne på Vestbreidda

To palestinske menn blei drepne av israelske soldatar i byen Nablus på Vestbreidda måndag, ifølge palestinske styresmakter. Ifølge det israelske militæret skal soldatane ha blitt skotne på før dei sjølve opna eld. Soldatane var i byen for å gripe to personar som var mistenkte for å ha hjelpt ein mann som skaut to soldatar i mars. Spenninga har auka i Jerusalem og Vestbreidda dei siste månadane. Minst 88 palestinarar er drepe av israelarar til no i år, ifølge nyheitsbyrået AFP, medan 15 menneske er drepne i palestinske angrep mot israelarar.