Spania og Belgias ambassadørar kalla inn på teppet
Israel har kalla inn ambassadørane til Spania og Belgia fredag. Det skjer etter at Spanias statsminister Pedro Sanchéz og Belgias statsminister Alexander De Croo hadde ein pressekonferanse på Rafah-grenseovergangen mellom Gaza og Egypt. Der sa Sanchez at Spania kunne kome til å godkjenne ein palestinsk stat på eiga hand, om ikkje EU gjorde det. Han sa også at den mellombelse våpenkvila ikkje var nok, og at det trengst ei permanent våpenkvile.