Skogbrann i Førde
Fredag kveld byrja det å brenne i eit skogsområde like ved Førde sentrum.
Klokka 19.25 melder politiet at brannen er sløkt.
– Circa 100 kvadratmeter er brent eller svidd, og det er førebels ikkje meldt inn noko som indikerer årsak, seier Bjarte Rebnord i politiet til NRK.
Det blei sendt inn brannmannskap i området som starta sløkking med piskar medan dei jobba fram vatn.
Skogsområdet ligg mellom to bustadområde.
– Brannvesenet vil vere der i forbindelse med ettersløkking, men har i utgangspunktet kontroll på at det ikkje spreier seg meir, seier Rebnord.
