Ny president valt på Sri Lanka
Ranil Wickremesinghe blir ny president på Sri Lanka etter avstemming i nasjonalforsamlinga i dag. Han er valt fram til 2024, melder Reuters.
– Landet er i ein veldig vanskeleg situasjon. Vi har store utfordringar framover oss, seier presidenten, ifølge Reuters.
Wickremesinghe har tidlegare vore statsminister i fleire periodar.
Tidlegare president Gotabaya Rajapaksa gjekk av og rømte landet etter at Sri Lanka har vore i djup krise prega av mangel på mat og drivstoff.