Norwegian frakta 1,4 millionar i november

I november flaug 1,4 millionar passasjerar med Norwegian. Det er ein auke på 37 prosent frå i fjor, skriv selskapet i ei pressemelding.

Fyllingsgraden for flåten totalt var på 79,5 prosent, medan rutene frå Noreg til Sør-Europa var tett på 90 prosent.

– Sjølv om vi no er i lågsesong ser vi at salet av flybillettar, særleg til varmare strøk, held fram med å halde seg på eit høgt nivå, seier konsernsjef Geir Karlsen.

Punktlegheita i november, som er eit mål på kor mange avgangar som skjer innan 15 minutt etter ordinær tid, var på 90,3 prosent.