Har funne frykta sjukdom i jorda
Det er oppdaga skrantesjuke i ei jordprøve frå villreinområdet sone 2 i Nordfjella. Dette vekkjer stor uro blant forskarane, skriv Jeger.no.
Skrantesjuke (CWD) er ein frykta sjukdom som er 100 prosent dødeleg for hjortedyr.
Dette området ligg mellom området i Nordfjella som blei tømt for villrein i 2017 og Hardangervidda.
Dei nye opplysningane blei presentert for Villreinrådet under fagdagane på Geilo nyleg.
– Det blei gjort positive funn på fire plassar, seier forskar Bjørnar Ytrehus til magasinet.