Donald Trump hevdar han blir arrestert tysdag

USAs tidlegare president Donald Trump hevdar at han kjem til å bli arrestert på tysdag. Han skriv dette på det sosiale mediet Truth Social, og der ber han tilhengjarane sine om å protestere.

Trump hevdar at det er lekkasjar frå påtalemakta i New York som indikerer at han vert arrestert.

Trump er under etterforsking i samband med ei påstått utbetaling som den tidlegare advokaten hans Michael Cohen gjorde til pornostjerna Stormy Daniels før presidentvalet i 2016.