Bolsonaro tilbake i Brasil
Brasil sin tidlegare president Jair Bolsonaro er tilbake i Brasil, melder BBC. Han landa i hovudstaden Brasília etter å ha vore i sjølverklærd eksil i USA dei siste tre månadane.
30. desember forlèt han Brasil, to dagar før han skulle møte den nye presidenten, Lula da Silva, for å formelt overlevere presidentmakta.
Fleire hundre støttespelarar ynskte Bolsonaro velkomen, melder Reuters. Han er no venta å innta rolla som opposisjonsleiar.