Estlands statsminister etterlyst for «fiendtlege» handlingar mot Russland

Estlands statsminister, Kaja Kallas, er erklært ettersøkt i Russland i ei uløyst straffesak, melder AFP.

Det russiske innanriksdepartementet seier at Kallas, som har leia Estland sidan 2021, er etterlyst etter straffelova.

Også den estiske utanriksministeren og kulturministeren i Litauen står på lista over etterlyste personar.

Kremls talsmann Dmitrij Peskov seier dei er etterlyste for «fiendtlege» handlingar mot Russland, og for å ha diskreditert russisk historie.

Russland har ved fleire høve kritisert Estland for å fjerne krigsmonument frå sovjettida.