FN ventar 270.000 flyktningar frå Sudan

FN forventar at opptil 270.000 sudanarar kjem til å flykte frå Sudan til nabolanda Tsjad og Sør-Sudan, melder AFP.

Anslaget kjem etter halvanna veke med harde kampar i hovudstaden Khartoum og fleire andre stader i landet.

Ifylgje FN sine flyktningrepresentantar i Sør-Sudan og Tsjad har høvesvis 45.000 og 20.000 personar allereie kryssa grensa inn i nabolanda.

Verdsorganisasjonen for helse (WHO) har fått stadfesta at 459 personar er drepne, men talet på døde er truleg langt høgare. (NTB)