Macron: – Demonstrasjonar stansar ikkje pensjonsreforma

Demonstrasjonane som sidan januar har funne stad i Frankrikes gater, fører ikkje til at regjeringa stansar den omstridde pensjonsreforma.

– Demonstrasjonar er normalt. Det betyr ikkje at vi kjem til å stoppe reforma, sa president Emmanuel Macron torsdag.

Reforma inneber mellom anna at pensjonsalderen blir heva frå 62 til 64 år, og at tilsette må jobbe i minst 43 år for å få full pensjon.

Tysdag var det demonstrasjonar igjen i Frankrike fordi regjeringa ikkje svarte på kravet frå fagforeiningane om å setje reforma på vent.

Fleire tek til orde for at Macron, som i fjor vart attvald til fem nye år som president, bør gå av. I ei måling gjort av Odoxa seier 70 prosent at han gjer ein dårleg jobb. (NTB)