Russland benådar 5000 kriminelle Wagner-soldatar
Over 5000 kriminelle som har kjempa for det private militære selskapet Wagner-gruppa mot Ukraina er benåda av russiske styresmakter.
Fleire tusen menn i russiske fengsel har blitt rekrutterte til Wagner-gruppa, der dei har fått moglegheit til å bli slopne fri mot å delta i krigen i Ukraina.
– Til no har over 5000 menneske blitt lauslatne og benåda etter å ha fullført kontraktane deira med Wagner, seier Wagner-sjef Jevgenij Prigozjin på Telegram.
Ifylgje Prigozjin har berre 0,31 prosent av dei som har blitt benåda etter å ha gjennomført teneste for gruppa, gjort seg skuldig i ny kriminalitet i etterkant. (NTB)
