Omstridd lov vedteken i Israel

Eit fleirtal i nasjonalforsamlinga i Israel, Knesset, har vedteke ei ny lov som avgrensar mogelegheitene for å avsette ein statsminister. Etter dette blir det berre mogeleg å erklære ein statsminister uskikka til å styre av helsemessige eller psykologiske årsaker. Avgjerda må godkjennast av tre firedelar av ministrane i regjeringa, eller statsministeren sjølv.

Den siste tida har det vore store demonstrasjonar mot denne og andre føreslåtte lover. Demonstrantane meiner lovreforma avgrensar makta til rettsvesenet og undergrev demokratiet.