Fleire har vanskar med å betale billånet

Dei siste tre månadane har inkassosaker knytt til billån auka med 20 prosent, skriv inkassoselskapet Intrum i ei pressemelding. Dei som kjøpte bil då rentene var lågare under pandemien, har fått høgare kostnadar på lånet. Selskapet fryktar fleire vil få problem med å betale billånet fordi det er venta at rentene skal auke enda meir.