D-vitamin kan beskytta mot luftveisinfeksjonar

Folkehelseinstituttet (FHI) seier det er spesielt viktig å få i seg nok D-vitamin når hausten kjem og luftvegsinfeksjonane kjem hyppigare.

Bakgrunnen for oppfordringa er resultata frå ein metaanalyse publisert i The Lancet, som viser samanhenga mellom D-vitamin og risikoen for å bli smitta av luftvegsinfeksjonar.

Her kjem det fram at ein er best beskytta om ein får i seg ein dagleg dose D-vitamin på mellom 10 og 25 mikrogram i opptil eit år. Beskyttinga var tydelegast blant barn og unge.

Vitamin D er naudsynt for å sørga for tilstrekkeleg tilførsel av kalsium til skjelettet. Alvorleg mangel på vitaminet kan føra til rakitt og osteomalasi (mjukt skjelett), i tillegg til ei auka risiko for ei rekke andre sjukdommar.

Kroppen lagar sjølv D-vitamin i møte med sollys, men på vinterstid i Noreg kan det vera vanskeleg å dekka behovet sitt utan tilskot, skriv FHI.

Seniorforsker Kristin Holvik i FHI understreker at låge nivå at D-vitamin i seg sjølv ikkje nødvendigvis er årsak til sjukdom.