Mange har søkt om straumstipend

Onsdag går fristen for å søke om straumstipend frå Lånekassen. Så langt har 120.400 studentar søkt og motteke stipendet. Stipendet er ei eingongsutbetaling på 3000 kroner til studentar som betalar straum i tillegg til husleiga.

– Litt over halvparten av alle som har fått tilbod om å søke, har gjort det. Dette kan verke lite, men mange har straum inkludert i husleiga og har med det ikkje rett på dette stipendet, seier administrerande direktør Morten Rosenkvist i Lånekassen til NTB.