R-talet i Noreg er 0,8
R-talet i Noreg, altså kor mange ein koronasmitta person vidarefører smitten til, er på 0,8. Det syner vekerapporten til Folkehelseinstituttet. I alt blei det meldt om 4800 koronasmitta i Noreg førre veke. Dette er 6 prosent færre enn veka før. Det er nedgang i alle aldersgrupper, unntatt i gruppa 13–19 der det var ein oppgang.
Det er høgast smittetrykk i Oslo og Viken, medan Nordland, Troms og Finnmark har minst smitte. Det er den britiske virusvarianten som dominerer i Noreg.
Den siste veka har det også vore fleire som har testa seg, samanlikna med veka før. Andelen positive prøver har gått ned sidan påskeveka, skriv FHI.