NRK Meny
Normal

Beassegáhkkobáhkkun

Vuordináigeráidu: Juovlamánu 6. beaivi

Baker julekake

Illustrašuvdnagovva juovlagáhkus

Foto: Britt Boyesen / NRK

Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 6. beaivi

Imáras lea; go dábalaš árbevierut leat sáhkan, mánát viššalit čuovvolit daid. Diibmá Sigrid nággii ahte sis verteje leat beassegáhkut juovllaide. Sigrid lei nuorra, ja sus lei jierbmes eadni guhte ipmirdii ahte árbevierut vertejit fievrriduvvot boahttevaš bulvii, nu ahte de eadni evttohii ahte galggaiga ovttas beassegáhkuid láitit. Báhkkunneavva bođii máttaráhkus, ja son lei beakkán iežas dipma ja suvles gáhkuid ovddas. Eadni lei aktii vuosehan báhkkunneavvaga ruovttodoallu-oahpaheaddjái, guhte lei dan čállán iežas neavvagirjái go orui nu njálggát.Olbmot návdet beassegáhkkobáhkkoma losses ja áddjánis bargun, muhto heivvolaš stuorra dáiggiin manná healmmahuhtti johtilit.

Beate Heide

Dán jagaš vuordináiggeráiddu lea Beate Heide buvttadan.

Foto: Privat

Loga maid: Vuordináigeráidu: Juovlamánu 3. beaivi

Dáigi lea reidejuvvon moniin ja sohkkaris virrojuvvon oktii, suddaduvvon ja galmmihuvvon vuojas ja siráhis, suvrramielkkis, čoarvvessálttis ja jáffuin. Dáigi verte ija geavvat. De juohku heivvolaš binnáide – dan dáiggis šaddet 12 beassegáhku ja dalle juohke binná lea 150 grámma. De boahtá hástalus: Go dulbet dáiggi vertet geavahit nu unnán jáffuid go vejolaš. Dulbet njuolga báhkkonbáhpirii lea dan dihte buorre jurdda. Beassegáhkut galget čuvgesruškadat go leat giksan, dat verte váktejuvvot vai bissot dimisin. Dan dihte dat lea bargu midjas heive ovttas dahkat.

Loga maid: Vuordináigeráidu: Juovlamánu 4. beaivi

Go beassegáhkut leat basson, dat galget galmmihuvvot sihkaldaga sinne ja vuidot sohkar-, vuoja- ja kanelaseaguhusain midjas lea vielgadin virrejuvvon.

Go báhkkun lei geargan, sihke Sigrid ja eadni leigga duhtavaččat. Sigrid lei ožžon beassegáhkuid juovllaide, ja dasa lassin máhtu man máhtii ain fievrridit viidásut. Jos Sigrid lea gávvil, de dál báhkku moadde geardde vel vai máhttu vevdá gieđaide, dál botta go sus lea eadni geas jearrá jos imástallá. Nie buolvvaid biebmomáhttu máhttá hain bissut buolvvaid ovttasealvámusaid dihte.

Loga maid: Vuordináigeráidu: Juovlamánu 5. beaivi