Don dárbbašat (guovtti olbmui):
- 2 dl makarovnnaid (dahje eará pásta)
- 300 gr biergodáiggi
- ½ lávkki
- ½ bovssa tomáhtaid
- ½ bihtáža vilgeslávkki
- Oregáno, basilikumma, sálttiid ja bihpporiid.
- 2 dl mielkki
- 1 borranbastte jáffuid
- 3 dl vuosttá
- Loga maid: Nálgga uvnnasdáhkon buđehat
- Loga maid: Ná álkit ráhkadat bohccobierguwrapa
Ligge oapmana 200 lieggaceahkkái ja bija makarovnnaid duoldat nu go páhkas čilgejuvvo.
Dál cábat lávkki ja vilgeslávkki hui smávisin.
Go dan leat bargan, de steiket biergodáiggi, dan bijat sierra lihttái go lea geargan.De steiket lávkki dassážii go ruškkodit. Dan maŋŋel seaguhat ja ligget biergodáiggi, vilgeslávkki ja boksatomáhtaid. Fieru bures, ja botkal sálttiid, bihpporiid, basilikumma ja oregáno dása.
Dál ráhkadat vuostásovssa. Vuosttaš maid dagat lea ahte njorret 1 dl mielkki lihttái, dasa fierut ovtta boradanbastte jáffuid. De njorret reastta mielkki dasa ja ligget dan. Duolddadettiin de seaguhat dasa vel 2 dl vuosttá, muitte fal seaguhit bures.
Go leat bargan buot maid galggat, bija de makarovnnaid vuos dakkár lihttái, mii gierdá báhkkaoapmana. Dan ala de rábastat biergodáigeseaguhusa, ja de leiket vuostásovssa vel ala. Bajimussii bijat veahá vuosttá.
Bija oapmanii ja giksat dan sullii 20 minuhta.
Mmm!