Don dárbbašat:
- 300 gr. biergodáiggi
- ½ teadjabastte sáltti
- ½ teadjabastte bihpporiid
- 4 stuorra buđeha, maid bijat silbabáhpára sisa.
- 1 bovssa máissa
- 6 borranbastte Kesam
- ½ borranbastte goikerosmariinna
- 1 borranbastte goikebasilikuma
- Loga maid: Ná álkit ráhkadat bohccobierguwrapa
Ligge oapmana 200 lieggaceahkkái. Bija buđehiid lihttái, mii gierdá báhkkaoapmana.
Go oapman lea liegganan, bija debuđehiid oapmanii, ja divtte doppe leat sullii diimmu. Áigi rievddada oapmanis oapmanii.
Seagut de kesama, rosmariinna ja basilikuma unna lihtážis, maid de bijat galbmaskáhppii.
Go de giksagohtet buđehat, steike de biergodáiggi, ja botkal dasa sálttiid ja bihpporiid.
Rohtte buđehiid eret oapmanis, ja luddes buđehiid bajil ruossalassii . Deavdde buđehiidda biergodáiggi ja máissa. Dan ala bidjalat vel kesam-seaguhusa.
Máisto!
