63 år etter den tyske okkupasjonen flagra nazibanner igjen på Stortinget i dag. Om lag 300 statistar med naziuniformar marsjerte på Karl Johans gate.
NETT-TV:
Hakekors på Stortinget
Årsaka er innspelinga av filmen om livet til motstandshelten Max Manus. Butikkar i området var dekka til med falske fasadar som skulle illustrere 1940. Karl Johans Gate var strippa for gateskilt.
Stortinget var ikledd eit banner med påskrifta "Deutschland siegt an allen Fronten" - Tyskland sigrar på alle frontar.
I tillegg fekk eit hakekorsflagg vaie frå taket på stortingsbygningen i to timar.
Garden nekta
Presidentskapet ved Stortinget har godkjent opphenginga etter spørsmål frå filmprodusenten, på vilkår om at det skjedde på ein dag det ikkje var møte i Stortinget.
Garden har sagt nei til å medverke med statistar som kunne marsjere i gatene. Forsvaret meiner det er for sensitivt at norske soldatar går kledd i naziuniformar.
Axel Hennie spelar moststandsmannen Max Manus i filmen som er basert på Manus sine eigne bøker om Den andre verdskrigen. Under krigen utførte han ei rekkje sabotasjeaksjonar i Noreg. Manus døydde i 1996.