Mette-Marit er på ei tredagars reise i Ukraina som spesialutsending for UNAIDS, FNs organisasjon for arbeid mot aids.
- No kan ikkje Mett-Marit delta på noko av det oppsette programmet i dag og i morgon, men kanskje deltek ho på avslutninga på onsdag, fortel NRK-korrespondent Morten Ruud etter samtaler med Slottet.
Lett hjerneristing
Dei fyrste opplysningane gjekk ut på at Mette-Marit hadde falle på hotellrommet.
Seinare vart dette korrigert til at ho hadde ramla under eit møte med organisasjonen All-Ukrainian Network. Etter planen skulle ho treffe hiv-positive.
Besøket blir avlyst, fortel NRK-korespondent Morten Ruud.
Både Slottet og Utanriksdepartementet opplyser at hendinga er udramatisk, og at hjerneristinga skal være lett.
Mette-Marit er blitt undersøkt av lege, og konklusjonen er at ho ikkje kan gjennomføre programmet i Ukraina som normalt.
Mykje på programmet
Den kongelege spesialutsendinga skal møte representantar frå styresmaktene i Ukraina.
På programmet elles står møte med sårbare grupper, ungdom og frivillige organisasjonar, i tillegg til feltbesøk til prosjekt som arbeider for å betre livssituasjonen til hivpositive og aidssjuke.