Til saman 130 hatkriminalitet-saker kom inn til Politiet i fjor. Det viser tal NRK har henta inn frå dei store norske byane.
Berre i Oslo var det meldt 26 saker av vald med rasistiske motiv, og mørketala er høge.
Banka opp på bensinstasjon
- Dei seier til oss "jævla utlendinger" og "jeg hater mørk farge", seier familiefaren Darious Salemi.
Salemi ligg med broten nase og hjerneristing på Ullevål sjukehus etter å ha blitt banka opp på ein bensinstasjon i Oslo. Korkje Politiet eller offeret er i tvil om motivet:
- Det var ein rein rasistisk handling, seier Salemi.
Politiet fekk hausten 2006 i oppgåve å registrere hatkriminalitet, altså brotsverk som skuldast hat mot andre på grunn av seksull legning, religion eller etnisk opphav. Det er enno ikkje laga noko nasjonal oversikt, men ei kartlegging NRK har gjort i dei fem største byane viser at det i fjor vart meld om 129 slike saker.
Video: Familiefar, Darious Salemi fikk hard medfart.
Verre enn det som kjem fram
Justisminister Knut Storberget trur det skjer langt fleire diskriminerande hendingar enn det som til no er rapportert inn.
- Det er all grunn til å tru at det er mørketal under desse tala igjen, og at vi ikkje har registrert godt nok. At vi alt no har denne type tal og eit slikt nivå er alvorleg, sier justisministeren.
Seniorrådgjevar Pål Meland i Politiet seier dei tar hatkriminalitet på alvor.
- Alle skal ha lov til å vera den ein er, uten at ein blir utsett for rasistisk, framendtfiendtleg eller homofobisk kriminalitet, seier Meland.
Video: Justisminister Knut Storberget og regjeringen ønsker blant annet å heve straffene for denne typen kriminalitet.
Video: Oslo og byrådsleder Erling Lae har tatt tak i voldsproblematikken.