Statens havarikommisjon har komme med foreløpige tryggleikstilrådingar etter forliset av sjarken "Marina".
Sjarken "Marina" forliste nordvest av Andøya 2.mars med ein person ombord. Ein omfattande leiteaksjon vart sett i gang utan at fiskaren vart funnen.
Foreløpig rapport
Statens havarikommisjon skriv i sin foreløpige rapport at eigarar og brukarar av sjarkar må hugse på at last på dekk verkar negativt inn på stabiliteten til fartøyet. Dei ber difor om at ein bør unngå last dersom det ikkje er dokumentert at det er trygt.
I tillegg tilrår Statens havarikommisjon eigarar og brukarar av sjarkar å kontrollere plasseringa av luftinntaket til motoren. Luftinntaket må vere plassert tilstrekkeleg høgt, og nærast mogleg senteret av fartøyet
Video: Havarikommisjonen har konkludert
Marina tilfredsstiller ikkje krava
Berekningar gjort av Statens havarikommisjonen viser at sjarken "Marina" ikkje tilfredsstiller krava i nordisk båtstandard. Berekningane tyder på at båten har lita evne til å rette seg opp igjen etter ei forskyving av last på dekk. I tillegg er luftinntaka til motoren dårleg plassert.