Berre nokre sekund ut i kampen krasjar spelande sportssjef Erik Hoftun med Glimt-spelar Roy Miller i lufta. Hoftun fekk kneet til Miller i brystkassa og landa på ryggen.
Han hadde hjartestans, ingen puls og ingen pust etter samanstøyten. Hoftun vart liggjande heilt i ro utanfor eigen sekstenmeter etter kollisjonen.
Lege Bernt Inge Embrå kom til og gav Hoftun nokre kraftige kakk i brystet, og la han i stabilt sideleie.
Kort tid etterpå vart han frakta av banen på båre, og sendt vidare til Nordlandssjukehuset med ambulanse.
- Tilstanden er stabil
Lege for Bodø/Glimt, Bernt Inge Embrå, forteljer til NRK at tilstanden til Hoftun no skal vere stabil.
- Det går nok ei stund før han er tilbake att, seier han.
Hoftun ligg til observasjon over natta.