Bil enda på taket etter trafikkulykke

Naudetatane rykker ut til trafikkulykke på vegen ut mot Skånland i Steigen kommune.

Ein bil har køyrt ut av vegen og ferda enda på taket, melder politiet i Nordland. Det er meldt om svært glatte vegforhold.

– Det er snakk om ein bil, kjempeglatt veg med is, som har mista kontrollen og køyrt ned ein stolpe. Den har knekt som ein fyrstikk. Bilen har køyrt godt av vegen og ligg på taket i ein bekk, seier Ivar Bo Nilsson som er operasjonsleiar i politiet i Nordland.

Føraren er komen ut av bilen og er bevisst.