Klokka 18:20 i dag melde Politiet i Nordland om at ein bil hadde kollidert med ein MC i Sandnessjøen. I bilen sat det berre ein sjåfør. Ambulansen har no køyrd frå staden med motorsyklisten.
– Det er snakk om brot på vikeplikta, seier operasjonsleiar hjå Politiet i Nordland Fred Leirvik.
– Sjåføren av bilen er sjekka på sjukehuset, men såg ut til å vere uskadd, seier Leirvik.
Ulukka skjedde på fylkesveg 17 rett sør om Sandnessjøen sentrum. Innsatsleiar Stian Dahl seier at Politiet gjer oppmålingar og undersøkjer ulukkesstaden.
– Vegen er sperra. Vi veit ikkje kor lenge det er att før den vert opna, seier Leirvik.