Ordførar i Saltdal, Kjell Magne Johansen, er tydeleg på at dei i Saltdal overhovudet ikkje ynskjer ei slik etablering.
- Me ynskjer ikkje dette i det heile, seier Johansen.
- Me har ordinære mc-klubbar som fremjar interessa for motorsyklar på ein framifrå måte, og alle som har slike interesser bør finne seg ein plassi den kategorien av klubbar.
Kriminell verksemd
Ordføraren i Saltdal er klar på at ein klubb med ei kriminell verksemd som er skildra i media er urovekkjande.
- Dei lokalsamfunna som får etableringar av slike organisasjonar innanfor sine grenser har berre dårlege erfaringar, seier Kjell Magne Johansen.
Han seier at dei kjem til å samarbeide med politiet for å hindre ei etablering.
Samarbeid med politiet
- Me veit at det kan vere opptil fire personar som er interessert i Outlaws i kommunen, så me vil i alle fall ikkje leige ut ledige lokaler til denne klubben. Eg håpar også at andre i kommunen som har ledige lokaler ikkje leiger desse ut til Outlaws, seier Johansen.
Han seier dei har eit utmerka samarbeid med politiet gjennom lennsmannskontoret i kommunen.