Dei britiske planane om å bygge verdas største vindkraftpark på Doggerbank i Nordsjøen, uroar fleire miljø.
Britane vil bygge 2000 vindmøller fordelt på ni parkar i eit område som ligg 100 kilometer utanfor Storbritannia, og tett opp til norsk sone i Nordsjøen.
Fiskeuro
Harald Østensjø.
Foto: privatDoggerbank har vore eit viktig fiskefelt for norske fiskarar sidan 1950-talet.
I dag betyr feltet mest for industritrålarar som driv fiske etter tobis, og årleg blir det fiska tobis for rundt 40 millionar kroner på feltet.
Tobis trives best på grunner, og dei britiske planane går ut på å feste vindmøllene til botnen. oppdrettsnæringa.
– Dette vil skape konflikt, meiner Harald Østensjø som er dagleg leiar i Sør- Noregs Trålarlag.
Skal mobiliserast
Han representerer dei rundt 40 norske industritrålarane som driv fiske på Doggerbank. Av desse kjem 10-12 frå Møre og Romsdal.
Østensjø seier til NRK at det no skal mobiliserast mot vindmølleplanane. Han seier dei alt har vore i kontakt med danske fiskeriintresser om saka. For danskane er Doggerbank enno viktigare farvatn enn for norske fiskarar.
Trugar sjøfugl
Også ornitologar her til lands og internasjonalt er uroa over at verdas størsre vindmølleanlegg er planlagt på Doggerbank.
Denne delen av Nordsjøen er både trekkområde og matfat for millionar av sjøfugl, peikar dei på.
- Dette er heilt vanvittig. Britane går på fullskalautbygging utan at konsekvensane for sjøfugl er sikkeleg kartlagt, meiner ornitolog Alv Ottar Folkestad.
Han meiner vindmølleplanane ikkje står for berekraftig og miljømessig utvikling, og seier dette kan bli ein av dei største trugslane mot natur ein nokon gong har stått overfor.
