– Har ein kjøpt billettar vil dei fort vere tapt når flyselskapet går konkurs, fortel Roger Helde i Forbrukarrådet.
- LES OGSÅ:
Roger Helde, regiondirektør i Forbrukarrådet, er klar på at kredittkort er den sikre løysinga.
Foto: Forbrukerrådet / CF Wesenberg/kolonihaven.noSjeldan konkurs
SAS la i dag fram ein fempunktsplan, med varsla sal av Widerøe og bakkeselskap, kutt av 800 årsverk, endringar i pensjonsvilkår og nedjustering i lønningar.
Ifølgje Helde i Forbrukarrådet er det ikkje ofte at flyselskap går konkurs. Men det skjedde i januar 2012.
– Sist det skjedde var det Spanair som gjekk konkurs.
Inntil 2009 eigde SAS 94% av aksjene i Spanair. Då selskapet gjekk konkurs var der éin enkel måte folk fekk tilbake billettpengane på.
Eitt unntak, fleire stadar å klage
– Har ein betalt kontakt kan ein stille krav til konkursboen, men ein kjem då langt bak i køa, fortel Helde.
– Men dersom ein bestiller med kredittkort er ein betre sikra. Då kan ein få pengar frå kredittkortselskapet, og det er alltid ein fordel i slike samanhengar.
Ein må uansett sende krav til eit eventuelt konkursbo i SAS.
– Folk har tidlegare fått dekka tap ved bruk av debetkort, men dette er noko ein må spørje om, ikkje noko ein kan krevje.
– Får du ikkje det du har rett på, kan du klage til finansklagenemnda, seier Helde til NRK.no.
– Blir dekt av reisegarantifondet
For pakkereiser gjeld derimot noko anna.
– Der fungerer pakkereiselova, og då vil ein få igjen heile beløpet som blir dekt av Reisegarantifondet. Dette gjeld pakkereiser til syden, fotballturar og så vidare, slår Helde fast.
- LES OGSÅ:
- LES OGSÅ:
Dersom ein blir stranda i utlandet på pakkereise, vil Reisegarantifondet betale returreisa.
Igjen er han derimot klar på at kredittkort er ein fordel.
– SAS er ikkje konkurs, men i tilfelle der flyselskap går konkurs er det utan tvil ein fordel med kredittkort.
Bruk bonuspoenga om du er skeptisk
For dei med bonuspoeng er det derimot inga kjære mor.
– Bonuspoenga er tapt ved konkurs. Dei har kun verdi i SAS. Så om ein er redd for ein konkurs, så er det nok lurt å bruke poenga, meiner Helde.
Han fortel at Forbrukarrådet fekk svært mange henvendelsar i januar og februar då Spanair gjekk konkurs. Her er forslaga dei gav den gangen.
Sjølv om situasjonen i SAS ikkje er perfekt, er Helde klar på at det er viktig å ikkje få panikk.
– Det er viktig å understreke at SAS på langt nær er konkurs, avsluttar Helde.
