Nokre saker har fått meir merksemd i året som gjekk enn andre. Vi har samla nokre av høgdepunkta frå året som gjekk.
Severin
Det har ikkje mangla på tilbakemeldingane etter at Severin Rønes dukka opp på tv-skjermen igjen i mars 2015. Sakte-dokumentaren på NRK1 følgde einebuaren Severin i alle hans gjeremål på den veglause garden ved Storfjorden på Sykkylven, og vart ein stor suksess.
Fleire hundre tusen samla seg framfor tv-skjermen for å få eit innblikk i kvardagen til Severin, og hovudpersonen sjølv vart rikskjendis.
Her er nokre av dei beste Severin-augeblikka frå i fjor.
Er du ein av dei mange som rett og slett ikkje får nok av Severin? Her kan du lese alt om Severin. Og her kan du sjå serien.
Hallgeirs hemmelege perle i Geiranger
I NRK-serien «Folk» vart sjåarane kjent med limousin-gründeren Hallgeir Greger i Geiranger. I ti år har 54-åringen drive sitt eige limousin-selskap, i ei bygd med 260 innbyggjarar.
I ei årrekke har Greger vist fram den spektakulære naturen i Geiranger. I videoen viser han fram si eigne hemmelege perle.
Du kan lese meir om Hallgeir her.
Solformørking med ein vri
I slutten av mars kunne dei fleste i Norge oppleve den største solformørkinga på 60 år. Fleire stadar i Møre og Romsdal var det så mykje skyer at mange ikkje fekk med seg solformørkinga.
For å sikre at alle skulle få sjå månen dekke sola, laga ein journalist i NRK Møre og Romsdal denne humoristiske videoen.
På dette tidspunktet har videoen over 700 delingar på Facebook.
Slik asfalterer Gud sin veg til hjartet
I Glimt-programmet Elieser- det flytande bedehuset vart vi i 2015 kjent med 17 år gamle Herman som jobbar som frivillig om bord i båten. Då han delte sin høgst uvanlege teori om korleis Gud lettast kunne finne vegen til hjartet fekk det internett til å koke.
Teorien kan du sjå her.
Kvardagstips
Knølar du med å få opp plastposar på butikken? Då skal du sjå denne videoen. Det gjorde mange då den neste videoen vart lagt ut på NRK Møre og Romsdal si Facebook-side i oktober 2015. I løpet av eitt døgn nådde videoen med dette kvardagstipset ein halv million.
Videoen har i dag over 1300 delingar.
- Les også:
Refleks-videoen som tok av på nett
Berre ein av tre nordmenn brukar refleks i haustmørket, viser tal frå Trygg Trafikk. Statistikk frå Statens vegvesen viser at ein tredjedel av fotgjengarulukkene skjer i mørket. Halvparten av fotgjengarane som omkom i perioden 2005 til 2014, brukte ikkje refleks.
Å sjå fotgjengarar i mørket som går utan refleks, er nærast umogleg. Videoen som viser det, er sett av over 2 millionar visingar i sosiale medium. I tillegg har videoen blitt delt svimlande 65.000 gongar.
Sjarmerande dyrehistorier
Husdyra til Stig Vesteraa frå Molde er ikkje som alle andre. Sauane Tor og Odin gir labb, elskar å gå tur og slappar av i sofaen på Holmarka gard i Molde. Dei to sauane følgjer matfar overalt og Vesteraa har trent dei så godt at sauane trur dei er hundar.
- Les også:
Då eit rådyr i Halsa kom bort frå mora si, fann ho tryggleik i eit heilt anna dyr. Elghunden Remy blei som ein storebror for det vesle rådyret. I denne søte videoen møter vi dei to bestevennane.
- Les også:
Lidenskapleg opptatt av tog
I Devoldfabrikken i Langevåg finn vi fylkets, og eit av landets største modelljernbanen. Med ein boltreplass på 1.000 kvadratmeter tek «Pensens venner» sikte på å lage Nordens største modelljernbane-anlegg.
- Les også:
