Bern-konvensjonen skal behandle saka i november.
25 havørner drepne
Havørn drept av vindturbin.
Foto: Per Jarle Heggdalsvik / NRKTjuefem havørner er drepne i kollisjon med rotorblada på Smøla. Vindturbinane skaper kraft, medan ornitologar har brukt mykje energi på å få dei stoppa.
I sommar besøkte ein biolog utsendt frå Bern-konvensjonen anlegget. I rapporten skriv han at innvendingane om havørnbestanden har vore neglisjerte.
No hamnar Smøla-utbygginga på bordet hos Bern-konvensjonen i neste månad.
•
•
Stadfesting
Morten Ree er organisasjonskonsulent i Norsk Ornitologisk Forening.
Han syns rapporten er svært interessant, med forslag om både stenging, periodevis stenging og revurdering av planlagde vindkraftanlegg.
- Dette er ei stadfesting på det vi har sagt i mange år, seier Morten Ree. Noreg har skrive under ein avtale om å ta vare på viltfaunaen. Når dette kjem i konflikt med denne konvensjonen, så er dette ei ripe i lakken for Noreg, seier Ree.
Ikkje juridisk bindande
Espen Lie Dahl med skadd havørn på Smøla.
Foto: Per Jarle Heggdalsvik / NRKVedtak i Bern-konvensjonen er ikkje juridisk bindande for Noreg. Men hadteringa av denne typen saker kan få følgjer.
- Det blir ikkje så lett å kritisere andre nasjonar om ikkje Noreg følgjer opp, seier Ree.
Førgjer for nye anlegg ?
No er spørsmålet om rapporten og behandlinga i Bern-konvensjonen kan få konsekvensar for nye planlagde vindparkar.
- Dersom dette blir ein del av den tiltakspakken som Bern-konvesjonen vedtek i november, så er det jo lettare for Norsk Ornitologisk Forening å få stansa andre vindmølleparkar, seier Ree.
Opnar sak i Bern-konvensjonen
I rapporten skriv den belgiske biologen at han på det sterkaste rår Bern-konvensjonen til å opne sak mot vindturbinparken på Smøla. Han bed om at det blir utarbeidd ein framtidig plan for vinmølleparkar i Noreg. Den aktuelle vindturbinparken på Smøla må stengast, i alle fall i periodar der havørna dannar par, formeirar seg og har ungar i området. Han peikar også på at havørna er utsett ved spesielle verforhold.
