Det betyr at spelaren som vart henta til Molde frå Viking for fleire millionar kroner må ha ein operasjon.
Han er dermed mest truleg ute i eit halvt år, opplyser manuellterapeut i Molde FK, Leif Arne Lystad til NRK Møre og Romsdal.
Det vil gå to-til fire veker før han kan opererast fordi kneet må vere utan hevelse når inngrepet skal gjerast.
Moldes lege Dag Sunde seier til NRK at dei har fått svar på MR-bilda som vart tatt på sjukehuset i Cartagena i går.
- Bilda viser det vi frykta, at Børre har pådratt seg ein korsbandsskade.
Det var i kampen mot Tromsø i går på La Manga at Steenslid landa skeivt og vrei høgrefoten etter ein duell
Fleire stopparar
Molde har fleire stopparar i stallen. Det er derfor uklart om klubben vil hente inn ein direkte erstattar for Steenslid i år. Christian Steen, Vegard Forren, Torjus Åland og Krister Wemberg er blant dei som kan spele på stopparplass på årets MFK-lag.