Ap-representantane ønskjer attval
Begge stortingsrepresentantane som Arbeidarpartiet har frå Møre og Romsdal i dag, ønskjer attval til Stortinget.
Både Per Vidar Kjølmoen og Åse Kristin Ask Bakke var nyvalde representantar i 2021. Ask Bakke seier det er mykje meir ho ønskjer å få utretta på Stortinget.
Arbeidarpartiet som danna regjeringa i 2021 saman med Senterpartiet, har lenge slite med dårlege målingar. Men både Kjølmoen og Ask Bakke trur oppslutninga vil auke inn mot neste års val.
– Eg trur det er gode sjansar for at dagens regjering får halde fram etter stortingsvalet neste år, seier Kjølmoen.