Kommunane Ulstein og Hareid tilbyr 669.000 kroner til kvart enkelt av dei fem søskena i den såkalla Øvrelid-saka. Det skriv Sunnmørsposten.

Advokat Mette-Yvonne Larsen har tidlegare kravd nesten nitti millionar kroner i erstatning på vegner av alle søskena.

Søskena har saksøkt Ulstein kommune for at ingen instansar greip inn då dei vaks opp med fysisk og psykisk mishandling i heimen på 1960-, 70- og 80-talet. Dei to yngste søskena har også saksøkt Hareid kommune, dit familien flytta etter at mora omkom i ei trafikkulukke i 1977.

Saka har vore fleire rundar i retten og blir no behandla på nytt i lagmannsretten. Lagdommarane har oppfordra partane til å kome til eit forlik.