Norsk regissør får toppoppdrag

Den norske operaregissøren Stefan Herheim får prestisjetunge oppdrag i Salzburg, Paris og London i det store Wagner- og Verdi-jubileumsåret 2013.

Stefan Herheim

Stefan Herheim er for tida ein av verdas mest ettertrakta operaregissørar.

Foto: Eckehard Schulz / AP

– Eg synest det er utruleg flott at ein nordmann frå Grorud får jobben når nokre av tidenes største operakomponistar skal feirast, seier NRK sin musikkommentator Ragnhild Veire.

– Dette blir lagt merke til

Nettstaden Wagneropera.net, som vert driven av norske Per-Erik Skramstad, har lagt ut ei oversikt over Stefan Herheims planlagde oppdrag, og oppgir at han i 2013 skal regissere Wagner-operaen «Meistersongarane i Nürnberg» under Salzburg-festspela og i Bastille-operaen i Paris.

Ragnhild Veire

Ragnhild Veire.

Foto: Ole Kaland / NRK

– Vi kan vere stolte over at Noreg har ein så dyktig og kreativ regissør. Dette blir lagt merke til i miljøet over heile verda, seier Veire.

2013 vert eit spesielt år i operaverda, sidan det er 200-årsjubileum for to av dei aller største operakomponistane, Richard Wagner (1813–1883) og Giuseppe Verdi (1813–1901). I Londons største operahus i Covent Garden skal Herheim regissere Verdi-operaen «I vespri siciliani».

Herheim avviste ikkje opplysingane då NRK.no kontakta han onsdag, men ønskte heller ikkje å kommentere saka, sidan alle detaljar rundt oppdraga enno ikkje er avklarte.

– Får humor ut av Wagner sine operaer

41-åringen Herheim har allereie ei lang rekkje operaoppsetjingar bak seg over heile Europa. I 2007 vart han kåra til årets regissør av det tyske operamagasinet Opernwelt. Den britiske journalisten Norman Lebrecht kommenterte opplysingane om Herheims nye oppdrag på bloggen sin med at han no «blir stadig større i Europa».

Herheim er særskilt anerkjend som Wagner-regissør, mellom anna etter si kritikarroste tolking av «Parsifal» under festspela i Wagner-hovudstaden Bayreuth. Han har regissert ved Salzburg-festivalen før, medan oppdraget i London blir det første i byen.

– Herheim sitt regispråk er krevjande for tilskodaren, men han får til ting få andre klarer – som å få humor ut av Wagner sine operaer, seier Ragnhild Veire.

– Tolkingane hans er fulle av referansar både til staden operaen blir sett opp, og til tidlegare oppsetjingar av verket. Ein bør eigentleg ha sett nokre oppsetjingar av den aktuelle operaen tidlegare, for å få fullt utbyte av tolkingane hans.

Herheim har to oppdrag i Noreg i sin kalendar for 2012: Ei oppsetjing av Giacomo Puccini sin klassikar La Bohème i Den Norske Opera & Ballett med premiere i januar, og ei av Georg Friedrich Händel sin Xerxes under Festspillene i Bergen.

Les: Operaanmeldelse Lulu

Les: Operaanmeldelse Tannhäuser

Les: – Operaen uegnet for store oppsetninger

Kulturstrøm

  • Svenska Akademien i gang

    Etter flere år med skandaler er Svenska Akademien klar for å gyve løs på arbeidet med å bestemme hvem som skal vinne årets nobelpris i litteratur. For første gang på 30 år er Akademien nå fulltallig. På dagsordenen står blant annet høstens nobelpriser i litteratur. I år skal det kåres to vinnere, og Nobelkomiteen skal legge fram sin innstilling for Akademien 10. oktober (NTB).

  • Gatemagasinet Megafon legges ned

    Gatemagasinet har etter 12 år sin siste utgave til jul, melder Medier24. – Vårt oppdrag er utført, sier redaktør Petter Lønningen. Salget av Megafon har sunket siden Bergen kommunens opptrappingsplan for rusfeltet ble iverksatt i 2014/2015.

    Gatemagasinet Megafon
    Foto: Megafon
  • Sparket komiker Shane Gillis

    «Saturday Night Live» har sagt opp komiker Shane Gillis. Det bekrefter det amerikanske humor- og underholdningsprogrammet i en uttalelse mandag. Torsdag ble det kjent at Gillis var ansatt hos SNL. Samme dag spredte tidligere videoer av komikeren seg hvor han blant annet kalte kinesere «chinks», et støtende ord brukt til å beskrive asiater. – Vi beklager at vi ikke så disse klippene tidligere, og at vår gjennomgang ikke nådde opp til vår standard, sier talspersonen. Komikeren selv la fredag ut en kommentar på Twitter hvor han skriver at han «skyver grensene, men noen ganger ikke treffer» (NTB).