Til glede for svært mange, og forarging for blant andre Donald Trump, er no mannen som gjorde mankinien kjent, tilbake. På talkshowet Jimmy Kimmel Live gjekk han blant andre laus på Donald Trump så det song etter. Borat meiner at Donald Trump er ein veldig støytande fiktiv karakter som ikkje kan vere ekte:
– Han er ein veldig lite truverdig karakter, ein mann som vil forby muslimar er ein som har ein hjerne som ein kvinneleg kylling, seier Borat med referanse til Trump sitt utspel om å nekte muslimar innreise i USA og merking av alle amerikanske muslimar.
(Trump-tiraden kjem 2:30 ut i klippet, saka fortset under videoen)
Borat blei ein snakkis då han i 2006 viste si «kulturelle reise» i USA. Selskapet bak den kontroversielle komi-suksessen blei saksøkt av ein landsby i Romania, fekk regjeringa i Kasakhstan etter seg og skapte furore verda over. Talkshow-verten Jimmy Kimmel får også gjennomgå av Borat, som er mildt sagt fysisk nærgåande.
(Saka fortset under bildet)
-YAGSHEMASH: Borat starta som ein figur i det britiske TV-showet Da Ali G-show på tidleg 2000-talet. Etter kvart fekk Borat ein eigen film som kom ut i 2006, ved namnet Cultural Learnings of America for Make Benefit Glorious Nation of Kasakhstan.
Foto: CHRISTOPHE ENA / AP– Trump ser ikkje ein gong ekte ut
Karakteren Borat er laga og spela av komikaren, skodespelaren og regissøren Sacha Baron Cohen. Den svært politisk ukorrekte figuren er kjent for å sparke i alle retningar og har ikkje vore å sjå sidan 2006. Borat er også kjent for å mislike jødar. Sacha Baron Cohen er sjølv av jødisk opphav. I tilbakekomsten sa Borat blant anna dette:
MANKINI: Det var Borat som introduserte mankinien, ei blanding av g-streng og bikini for menn. Det minimalistiske klesplagget har blitt brukt av tallause såkalla strekkarar som bryt inn i direktesendingar, som på dette bildet. Borat brukar mankinien når han skal sole seg og danse disko.
Foto: ALESSANDRO GAROFALO / Reuters– Donald Trump ser jo ikkje ein gong ekte ut. Skaparen av karakteren har brukt alle pengane på oransje måling til ansiktet, og har ikkje ein gong pengar til parykk.
Den engelske komikaren er også kjent for karakterane og filmane Ali G og Brüno. I 2012 hadde han rolla som Thénardier i musikalfilmen Les Misérables. Det same året fekk han folk til å gapskratte då han spela den Saddam og Gadaffi-inspirerte diktatoren i komifilmen «The Dictator»
Ny film i 2016
Om Borat kjem tilbake fleire gonger er uvisst. Sacha Baron Cohen børsta støvet av den Pamela Anderson-gale karakteren i samband med lanseringa av komedien «The Brothers Grimsby». Heile opptrinnet som Borat var eit stunt for å promotere den komande filmen. Sacha Baron Cohen er ein av tre manusforfattarar av kinofilmen som kjem ut i mars 2016.
