NRK Meny
Normal

Einige om utvatna klimaavtale

Ein avtaletekst utan konkrete utsleppsmål blei laurdag vedteken på klimatoppmøtet i København.

Generalsekretær Ban Ki-Moon og Danmarks statsminister Lars Løkke Rasmussen

Generalsekretær Ban Ki-Moon og Danmarks statsminister Lars Løkke Rasmussen er sentral i forhandlingane i Bella-senteret i København.

Foto: Mads Nissen / Scanpix/AFP

Etter ei hektisk natt er partane i København blitt samde om ei klimaavtale, melder nyheitsbyrået AP.

- Dette har vore svært vanskeleg. Eg har sove to timar dei siste 48 timane, seier FNs generalsekretær Ban Ki-Moon.

Video nsps_upload_2009_12_19_11_28_5_1910.jpg

Ban Ki-Moon: - Vi er blitt einige

FN-sjefen legg ikkje skjul på at han hadde ønska seg ei meir ambisiøs avtale, men at det var viktig å få noko ned på papiret.

– Forliket er nok ikkje alt ein hadde håpa på, men dette vedtaket er ein viktig start, seier han.

Støtta ikkje teksten

Den opphavlege avtaleteksten som blei forhandla fram av USAs president Barack Obama og over tjue andre statsleiarar har ikkje fått full oppslutning.

LES: Her er løftene fra København

LES: Obama: - Dette kom ikke lett

Fleire land meinte at forliket som fredag blei forhandla fram var heilt uakseptabelt. Sudan og 5 land frå Latin-Amerika ville ikkje støtte teksten, og det oppsto kaos fordi ei FN-forhandla avtale krev full semje.

LES: Rasende u-land truer klimaavtalen

Leiar for Klimatoppmøtet, danmarks statsminister Lars Løkke Rasmussen, hadde lørdag morgon liten tru på at ein kom til å få i hamn ei avtale.

Københavnforliket

Først på formiddagen, etter langvarige diskusjoner og ei to timar lang pause. blei det klart at møtet «tar til etterretning» teksten som Obama og dei andre hadde meisla ut.

Staben frå FN gjer seg klar til å dele ut den endelege avtala under klimatoppmøtet i København.

Staben frå FN gjer seg klar til å dele ut den endelege avtala.

Foto: Mads Nissen / Scanpix/AFP

Partane er no enige om å leggje teksten til grunn for vidare forhandlingar, og landa som stiller seg bak avtala blir lista opp til slutt i teksten. Det er opp til kvart enkelt land om dei vil slutte seg til avtala.

Reuters melder at navmet på avtala blir «Copenhagen Accord» - Københavnforliket.

LES: Dette er klimaforhandlingene 2009

Hva har skjedd med temperaturen på kloden? Hvorfor har det skjedd? Og hva kan vi gjøre med det? Det er 137 år siden vi fikk de første globale temperaturmålingene. Fysiker Bjørn Samset holder festkveld for klimanerder og gir oss hele fortellingen om hvordan klimaet har endret seg, på 137 minutter. Med på festen er Selda Ekiz og Torkild Jemterud. De kommer til å lage bråk.