Bergen er berre ein av fleire norske byar som er frustrerte fordi dei ikkje veit kva tiltak som er lov å bruke for hindre helseskadeleg luft.
Fleire norske byrar har i vinter hatt store plager med helseskadelege luft. I går blei regjeringa konfrontert, då Audun Lysbakken og SV skulda statsministeren og statsråden for å trenere tiltak som kan betre luftkvaliteten i norske byar.
No inviterer Ketil Solvik-Olsen byråden til Oslo for å svare på spørsmåla frå kommunane.
Meiner kommunane ikkje forstår regelverket
Forvirringa går på kva tiltak kommunane kan setje i verk sjølv, og kva som krev departementet si godkjenning. Solvik-Olsen har fleire gongar hevda at der fins spelerom i lovverket som byane ikkje nyttar.
– Mange av dei tiltaka kommunane nemner at dei ønskjer iverksetje er allereie hjemla i lovverket. Då handlar det openbart om forståinga av lovverket, og eg set gjerne mitt embetsverk til disposisjon for å hjelpe kommunane med det, seier samferdsleministeren.
Glad for å få fortgang i saka
Byråd for byutvikling i Bergen er glad for sjå at det no blir fortgang i få avklart kva verkemiddel dei kan bruke, samt arbeidet med å få nye verkemiddel på plass.
– Eg trur at den dårlege bylufta Bergen har hatt den siste tida og diskusjonen rundt det, samt utolmodet frå fleire storbyar har gjort at regjeringa også har forstått dramatikken i situasjonen, seier Tryti.
- LES OGSÅ:
Statsråden skuldar byrådet «politiske peikeleikar»
Solvik-Olsen meiner derimot at byrådet heile vegen har hatt fleire verkemiddel til disposisjon, som dei sjølv har valt å ikkje nytte seg av.
– Eg reagerer på at raudgrøne byråd rundt om kring skuldar på regjeringa og driv med politiske peikeleikar når dei sjølv ikkje har gjort sine lokale vedtak.Vi hadde eit møte med storbyane i haust. I etterkant blei det sendt ut eit dokument som oppsummerer alle tiltak dei har lov å innføre og kva som blir arbeidd med å gjennomføre, fortel Solvik-Olsen.
Tryti er ikkje med på at det er snakk om politiske peikeleikar, og ønskte ikkje å svare på skuldingane frå samferdsleministeren.
– Det er ikkje min stil, seier Tryti.
Dette er spørsmåla byråden for byutvikling spesielt ønskjer å avklare i møtet med Solvik-Olsen.
Permanente tiltak:
- Lavutsleppsoner: Gjennomføring av dette krev ei ny lovendring i vegtrafikkloven. Bestilling frå Stortinget ligg allereie inne. Det fins forskjellige modellar, men formålet er å få ned utslepp i deler av byen f.eks gjennom å forby enkelte køyretøy sentrum.
- Miljødifferensierte bompengetakstar: Her trengst også ei ny lovendring i vegloven, samt tekniske tilpassingar i Autopass-systemet. Vegdirektoraret arbeider med saka. Tiltaket betyr at køyretøy som forureinar meir, må betale meir i bompengar.
Akutte tiltak:
- Auke i bompengetaksten på dagar med dårleg luft: Det blir no førebudd vedtak i bystyret i Bergen og i Hordaland fylkeskommune. Når det er klart vil det blir sendt til departementet som skal fastsetje taksten.
- Forbod mot bestemte køyretøy (f.eks diesel) på dagar med dårleg luft: Dette har vore forsøkt innført i Oslo, men blei ikkje godkjent på fylkes- og riksvegar. Statsråden har no gitt signal om at ein vil vere villige til å godkjenne dette.
- LES OGSÅ: