Som vanleg er for ei sommarhelg, har mange vore ute på vift den første helga i juli. Det meste har nok gått roleg og fredeleg for seg, men enkelte episodar har det vore.
Politiet i Finnmark fekk natt til søndag inn fleire meldingar om festbråk, både i Hammerfest, Honningsvåg, Kirkenes og Berlevåg.
I Lakselv laga ein person kvalme på ein uteplass og knuffa til den eine dørvakta, og vil bli meldt til politiet, skriv politiet på Twitter.
I Alta brukte ein person falsk ID på byen, og politiet opprettar sak på forholdet.
Ein annan altaværing brukte natta si på å lage bråk i sentrum, i tillegg til å gjere skadeverk på bilar. Vedkommande blei vist bort frå byen og patruljen oppretta sak på forholdet.
Politiet i Alta fekk også i natt melding om ein bil som køyrde over ein hage og krasja i ein garasje. Patruljen søkte etter bilen og fann etter kvart både bil og førar, melder politiet på Twitter.