NAV har meldt 1318 personar for å ha svindla til seg 238 millionar kroner i 2013. Det er det høgaste beløpet NAV har meldt trygdemottakarar for nokosinne, og ei auke på 28 millionar frå 2012.
Mange store saker
Seksjonssjef i NAV, Magne Fladby, har 80 medarbeidarar som jobbar heiltid med å avdekke trygdesvindel.
Foto: NRKI desse tala gøymer det seg mange store saker. Seksjonssjef i NAV, Magne Fladby, fortel at 15 av dei melde sakene gjeld forsøk på svindel av over ein million kroner.
– Den største saka gjeld ein person som har heva uførepensjon i fleire år medan vi meiner han i alle fall er delvis arbeidsfør. Summen vi har meldt han til politiet for er 1,7 millionar kroner han ikkje skulle ha, seier Fladby.
Det er ikkje rekord. I 2012 melde NAV tre saker som gjaldt summar på over to millionar kroner til politiet. Den største svindelsaka var på 2,5 millionar kroner.
Lettare å avdekke
NAV avdekka nærare 60 prosent av sakene ved å samkøyre informasjon frå eigne register og frå andre offentlege etatar. Stortinget vedtok i 2013 ei ny lov som gir NAV nye moglegheiter til å samkøyre slike register.
NAV sjekkar opne Facebook-profilar når dei undersøker mogleg trygdesvindel.
Foto: DADO RUVIC / Reuters– Dette gjer det lettare å avdekke forsøk på svindel. Dessutan nyttar NAV Kontroll alle opne kjelder for å granske mogleg trygdesvindel, seier Fladby.
Det betyr søk på nettet, å sjå på opne Facebook-profilar og undersøke om det er teikn på at til dømes uføretrygda kan vere arbeidsføre.
Nav Kontroll har 80 personar som jobbar heiltid med å undersøke personar mistenkte for å ta imot pengar dei ikkje skal ha.
Les og:
Streng straff
Seksjonssjefen i Nav påpeiker at det er strenge straffar i vente dersom ein blir dømt for trygdesvindel.
– Høgsterett har sagt at alle som er skuldig i å fått meir enn 85000 kroner utan å ha krav på det, skal ha vilkårslaus fengselsstraff.
Dobling i Buskerud
Aldri har trygdemottakarar i Buskerud blitt meldt til politiet for høgare svindelbeløp enn i 2013.
I 2013 melde NAV 70 personar i Buskerud for svindel av 16,3 millionar kroner. Beløpet for slike meldingar i 2011 var 7,8 millionar kroner.
Tre av desse sakene var mistanke om svindel på over ein million kroner.
