Colombia angrip FARC-geriljaen på ny

– Eg har bedt styrkane om å avslutte pausen i luftangrep mot FARC inntil vidare, seier Colombias president Juan Manuel Santos.

For ein månad sidan stansa Colombia luftangrepa mot FARC-geriljaen etter 50 år med borgarkrig. Dei siste to åra har Colombia og FARC vore i fredssamtaler på Cuba. Noreg har saman med Cuba tilrettelagt for samtalane.

• LES OGSÅ: Flere tusen reddet av fredsforhandlinger i Colombia

Brende var optimist

Dei to partane har blitt einige på ei rekkje område, men dei har så langt ikkje klart å bli einige om ein endeleg avtale.

Noregs utanriksminister Børge Brende er blant dei som var særs glade då Colombia stansa angrepa for ein månad sidan.

– Fredsprosessen er inne i ein avgjerande fase. Konfliktnivået i Colombia er no lågare enn på fleire tiår, og det er gledeleg for eit sivilsamfunn som altfor lenge har lidd under konsekvensane av konflikten, sa Brende då det vart kjent at Colombia stansa sine angrep.

Ti drepne soldatar

Men no må både Brende, og alle andre som har håpa på ei positiv utvikling, innsjå at ikkje alt går knirkefritt.

Etter at soldatar i FARC-geriljaen i dagdrape ti colombianske soldatar og såra 17 andre i Cauca-provinsen, så startar altså Colombia opp att sine luftangrep.

Geriljaen har lenge ville ha ein tosidig våpenkvileavtale, men det har ikkje president Santos vore villig til å signere.

• LES OGSÅ: FARC erklærer ensidig våpenhvile
• LES OGSÅ: Colombias president slutter seg til våpenhvile

Meir enn 220.000 menneske har mista livet i løpet av den lange borgarkrigen. Millionar har også blitt drivne på flukt, og det er 5,7 millionar interntfordrivee menneske i Colombia. Ifølgje Flyktninghjelpen er det berre Syria som har fleire internt fordrive.