– Det er i irans interesse å selje oljen dei har på lager hurtig, for det er dyrt å lagre, sa professor Brenda Sheffer ved Georgetown universitetet til CNN.
Ifølgje det Internasjonale energibyrået (IEA), står iranske supertankarar, med 38 millionar fat på tanken, klar til å kaste loss.
Ayatollah Khomeini kalla USA «Den store Satan» i 1979. No gjer iransk olje comeback.
Foto: MAHMOUD ZAYYAT / AfpOljesanksjonane heva
Sidan revolusjonen i 1979, har USA straffa land som handlar olje med Iran. I går vart dette oppheva, i samband med den nye atomavtalen.
Fangar vart utveksla og kverrsette iranske pengar gitt tilbake.
John Kerry fortel at fangeutvekslinga er i gang.
Foto: KEVIN LAMARQUE / Afp«Big oil» vil investere i iransk olje og gass
Verdas mektigaste oljeselskap står no klar til å investere. Total, Shell og Lukoil er blant selskapa som ynskjer å bruke over 30 milliardar dollar på å ruste opp iransk oljeutvinning.
Dette inkluderer både drift av eksisterande felt, samtidig som ein ynskjer å leite etter nye olje og gassressursar.
Ifølgje det britiske oljeselskapet BP har Iran 9,3% av verdas oljereservar, og 18,2% av gassreservane.
Dette er dei fjerde største oljereservane i verda.
Økonom Tina Saltvedt om konsekvensane for norsk økonomi.
«Oljesjeikane» fortviler
Iran-avtalen råkar dei regionale rivalane til Iran hardt. Fredag fall fleire børsar i Golfen over 6%, før det stabiliserte seg noko.
Årsaka, iranske lovnader om å fløyme marknaden med billeg olje, straks sanksjonane var oppheva.
Viseoljeministeren Amir Hossein Zamaninia, gler seg til å selje meir olje.
Foto: HASAN SARBAKHSHIAN / Ap– Vi er klar til å auke råoljeeksporten vår til 500.000 fat dagen, sa den iranske viseoljeministeren Amir Hossein Zamaninia til nyheitsbyrået Shana.
Dette vil råke land som baserer økonomien sin på petroleum i Golfen, Venezuela, Nigeria, Russland og Brasil.
Russland har budsjettert med ein oljepris på 50 dollar fatet, og statsminister Medvedjev vurderer no om Russland må justere det energifinansierte statsbudsjettet.
Optimisme i Europa
Fleire europeiske land, som ikkje er så avhengige av oljeeksport, håpar no på auka handel med Iran.
– Eg håpar britiske bedrifter no nyttar seg av moglegheitene atomavtalen med Iran opnar for, sa den britiske utanriksministeren Philip Hammond
Iran sa i går dei vil kjøpe 114 nye Airbus, ei kontrakt som truleg er verdt 10 milliardar dollar. noko som har irritert ein profilert presidentkandidat i USA.
USA framleis på vakt
President Obama sa i dag han vil følgje Iran nøye.
– Sjølv om vi har fått ein avtale om atomprogrammet, er vi klar over at det er stor avstand mellom USA og Iran. Vi vil halde fast på å motarbeide Irans destabiliserande oppførsel. Det gjeld truslar mot Israel og våre partnarar i Golfen.
