– Eg tykkjer det er veldig sært. Du kan ha utruleg mange årsverk for 71 millionar kroner i skulen, helsetenesta eller i teknisk etat, som skal passe på bygningane i kommunen til dømes, seier stortingsrepresentant frå Arbeiderpartiet i Vest-Agder, Kari Henriksen til NRK.
Stortingsrepresentant Kari Henriksen (Ap).
Foto: Svein Sundsdal / NRKTala går fram i 1. tertialrapport for 2013 frå Nav.
Enklare å avsløre
Det er i Oslo og Akershus dei fleste trygdesvindlarane er tekne. Til saman 133 personar har motteke rundt 20 millionar kroner dei ikkje har krav på.
Dei fleste tilfella er svindel av dagpengar. Til saman har 263 personar motteke 33 millionar kroner dei ikkje har krav på i form av dagpengar.
Henriksen påpeikar at ei lovendring i Stortinget skal gjere det lettare for Nav å fange opp trygdesvindel.
No får dei tilgang til ulike register hos Skattetaten, Brønnøysundregistra, Utlendingsdirektoratet, Toll- og avgiftsdirektoratet og Posten.
– Dei vil etter bestemte reglar kunne hente inn informasjon, som gjer at dei kan få ei mykje betre oversikt over faktiske forhold knytt til personleg økonomi når personar mottek pengar frå det offentlege, seier ho.
Meir enn i fjor
På same tidspunkt i fjor var det avslørt trygdesvindel på til saman 63,9 millionar kroner. Henriksen meiner difor det er viktig å ha fokus på området.
– Det er viktig å halde auge med at pengane som går ut frå felleskassa gå til det som det er tenkt til, seier Henriksen.
– Det har vore ei auke i det totale bilete når det gjeld trygdesvindel dei siste åra, seier ho.
