– Dersom det ikkje kjem nye observasjonar eller funn vert det ikkje sett i gang nye søk, seier Bjørn Magnussen på Hovudredningssentralen til NRK.
Det var i 10-tida onsdag at mannen vart meldt sakna på eit lasteskip. Mannen vart sist observert på skipet to timar tidlegare.
Mannskapet melde 20-åringen sakna då dei ikkje fann han om bord på skipet.
Politiet har no konkludert med at mannen truleg har falle i sjøen.
– Tilsette om bord på lasteskipet er avhøyrt, og ingenting tyder på noko kriminelt, seier Jahn Ove Thorsen, politoverbetjent i Søgne til NRK.
Tre helikopter og ei rekkje båtar deltok i omfattande søk på sjøen mellom Kristiansand og Søgne onsdag.
Leiteaksjonen vart avslutta onsdag kveld utan funn.