17. mai-feiringa hang i ein tynn tråd – nå stiller folk opp

– Det var fleire som melde si interesse etter at vi gjekk ut i media, seier 17. mai-sjef i Flekkefjord Glenn Tønnessen.

Den tradisjonelle feringen hang ei stund i ein tynn tråd. Dermed måtte Tønnessen ut i media og be om hjelp frå frivillige:

Nå har ein tremannskomite sydd saman programmet i år.

– Vi har til og med overskot av folk som vil hjelpe. Blant anna stiller 12 personar frå Ukraina opp, seier Tønnessen.

Krevjande

Politikarane i Flekkefjord valde å lyse ut ei deltidsstilling i år for å koordinere 17. mai, sidan ingen andre ville jobbe frivillig. Tønnessen tok da jobben.

– Det har vore krevjande dei siste vekene. Men det blir ei fin tradisjonell feiring. Nå har eg kvilepuls, fortel han.

Trur fleire kommunar slit

Tønnessen trur at fleire kommunar har måtta jobbe hardt for å få til ei feiring. Han meiner frivilligheita la seg til andre vanar under pandemien.

– Etter det har det ikkje vore så lett å få ta i frivillig mannskap, opplyser Tønnessen.

Nå har han laga ein mal slik at dei som skal overta til neste år får ei eiga sjekkliste.

Slik blir programmet på nasjonaldagen i sør:

Fleire kommunar har allereie lagt ut programma for nasjonaldagen.

Dagen startar med salutt i fleire kommunar. Tradisjonen tru blir det barnetog, musikk-korps og talar. Her kan du sjå programmet i nokre kommunar på Agder.

Foreløpige prognosar frå Yr viser at det blir sol eller overskya på Sørlandet 17. mai.